Elisabeth Müller
Niedergösge
Wie scho erwähnt – d Lisebeth isch Trachteschniedere.
Für d Chind macht si immer wieder öppis nöis oder tuet
älteri Tracht ändere. Ou die Grosse! bruche öppe e nöii
Tracht. So het äs immer viel Arbeit!
Theres Meier
Niedergösge
Scho sit 32 Johr tueni Trachte sticke. Sig das e Latz und Göller für d Feschttags- und Sunntigstrachte oder sig das für d Schwarzbuebetrachte es Schultertuech.
I darf öich jetz es paar Muschter zeige vo minere Arbeit. Lueget sälber und fröiet öich dra!
Zersch gseht der do e Uswahl vo Feschttagstrachte. Uf Wunsch tueni sälber es Muschter entwärfe. So het jedes sis Lieblingsblüemli druffe.
Die nöischte!
Öppis Nöis esch immer guet!
Das het Cäcilia Duss und ich ou
dänkt, wo mer öis a Dulliker Tracht
gwogt hei. Wunderbar esch si worde!
Jetz chöme es paar Solothurner Schwarzbuebetüecher!
Jetz chunnt no öppis bsunders! Am 1. Mai isch Trachteweih gsi in Frick. Der Jodlerklub Frick het die nöie Bluse dörfe iweihe. D Cäcilia Duss und i hei die Bluse gmacht. Do es paar Bilder vo däne schöne Bluse. Mer si doch scho chli stolz druf!
